تحية عصامية الى كل بيت البعيني ، والى كل من تريد ان توصلها له ، خاصة الفائزين بجائزة شربل بعيني لعام 1996.
*****
وصلني فيديو الجائزة مع مارون تادروس .. ومارون بيسوى كتير من الموارنة والارثوذكس .. أعجبني بفكره ورؤياه .. وانت ما بتصاحب الا اللي بيشبهوك .
سلوى وسمير وسامي يشاركوني بالشكر على عاطفتك، وانت دائما بقلبنا وبفكرنا.. ووافت (ليلاك ) تزيدنا تعلّقاً بك ، لانها دوماً تحمل الينا خواطرك .
*****
الاحتفال رائع .. وأروع ما فيه أنت وليلى .. منظّم .. شغل معلّم ..
أدهشتني ليلى بأناقتها ، وانت الدهشة الدائمة لكل من يعرفك !
*****
أعجبني الصديق أكرم المغوّش وهو يتكلم مع الراهبات ، الظاهر عم بيطبقوه تا يعمدوه !!
*****
الدبّيك رقم واحد ايلي ناصيف ، بيذكرني بليالي الضيعة .. بوسة لإيلي الوفي اللي وحدو كتبلي ، او بالاحرى ، وحدو جاوب على رسائلي العديدة .. الباقيين شاربين ( مياه مالحة ) .
*****
دمعت عيني لمّن شفت فرقة أرز لبنان الفلكلورية ، متل الدمعة اللي ترقرقت بين جفوني يوم ذكرى الاستقلال وقت الكنت بسيدني . فعلاً ايلي عاقوري لبناني صميم .
*****
تأملت الحلوه اللي صارت صبية ، ريما الياس ، تسلملي شو مهضومة.. انشاللـه بتجي على لبنان شي يوم .
*****
أخبرتني نجوى عاصي ، الإنسانة الكبيرة بالوفاء ، إنك بتحب تجي ع لبنان ، هذا حدث سيفرح به كل لبنان ، البيوت كلها بيوتك ، ما تعتل هم .. عنا ، والملك لأللـه، 3 بيوت ، بالإضافه الى بناء 6 طبقات سيكون تدشينه عندما تحضر الى لبنان .
*****
المونسنيور ميشال بو ملحم بعدو شب ، وحدو من بين رجال الدين ، اللي كان حاضر بالحفلة .
*****
كنت مستنظر قصيدة من عمّك عصمت ، شفتو عم يحكي بنظراتو بس .. حواليه ستّات حلوين .. يا ريتني كنت حدّو .. الشّعرا بتضل معدتن قطّيعة .
*****
بعدما شفت الفيديو عرفت ليش قلتلّي ( المرحله التاريخيّة شربل بيعملا ) .. كنت حابب شوف كتير من الأصحاب ، يمكن إنت بدّك هيك .. ليش غابوا ؟
*****
انشاللـه بتتحقق وعودك وتجي ع لبنان .. كلنا منجدد محبتنا إلك .. وإلى ليلى .. وإلى ست الحبايب أم انطوان .. وإلى كل بيت البعيني .. وإلى جميع الفائزين بجائزة شربل بعيني لعام 1996 .. دمت وداموا في تألّق دائـم .
*****
وصلني فيديو الجائزة مع مارون تادروس .. ومارون بيسوى كتير من الموارنة والارثوذكس .. أعجبني بفكره ورؤياه .. وانت ما بتصاحب الا اللي بيشبهوك .
سلوى وسمير وسامي يشاركوني بالشكر على عاطفتك، وانت دائما بقلبنا وبفكرنا.. ووافت (ليلاك ) تزيدنا تعلّقاً بك ، لانها دوماً تحمل الينا خواطرك .
*****
الاحتفال رائع .. وأروع ما فيه أنت وليلى .. منظّم .. شغل معلّم ..
أدهشتني ليلى بأناقتها ، وانت الدهشة الدائمة لكل من يعرفك !
*****
أعجبني الصديق أكرم المغوّش وهو يتكلم مع الراهبات ، الظاهر عم بيطبقوه تا يعمدوه !!
*****
الدبّيك رقم واحد ايلي ناصيف ، بيذكرني بليالي الضيعة .. بوسة لإيلي الوفي اللي وحدو كتبلي ، او بالاحرى ، وحدو جاوب على رسائلي العديدة .. الباقيين شاربين ( مياه مالحة ) .
*****
دمعت عيني لمّن شفت فرقة أرز لبنان الفلكلورية ، متل الدمعة اللي ترقرقت بين جفوني يوم ذكرى الاستقلال وقت الكنت بسيدني . فعلاً ايلي عاقوري لبناني صميم .
*****
تأملت الحلوه اللي صارت صبية ، ريما الياس ، تسلملي شو مهضومة.. انشاللـه بتجي على لبنان شي يوم .
*****
أخبرتني نجوى عاصي ، الإنسانة الكبيرة بالوفاء ، إنك بتحب تجي ع لبنان ، هذا حدث سيفرح به كل لبنان ، البيوت كلها بيوتك ، ما تعتل هم .. عنا ، والملك لأللـه، 3 بيوت ، بالإضافه الى بناء 6 طبقات سيكون تدشينه عندما تحضر الى لبنان .
*****
المونسنيور ميشال بو ملحم بعدو شب ، وحدو من بين رجال الدين ، اللي كان حاضر بالحفلة .
*****
كنت مستنظر قصيدة من عمّك عصمت ، شفتو عم يحكي بنظراتو بس .. حواليه ستّات حلوين .. يا ريتني كنت حدّو .. الشّعرا بتضل معدتن قطّيعة .
*****
بعدما شفت الفيديو عرفت ليش قلتلّي ( المرحله التاريخيّة شربل بيعملا ) .. كنت حابب شوف كتير من الأصحاب ، يمكن إنت بدّك هيك .. ليش غابوا ؟
*****
انشاللـه بتتحقق وعودك وتجي ع لبنان .. كلنا منجدد محبتنا إلك .. وإلى ليلى .. وإلى ست الحبايب أم انطوان .. وإلى كل بيت البعيني .. وإلى جميع الفائزين بجائزة شربل بعيني لعام 1996 .. دمت وداموا في تألّق دائـم .
